Թուրքիայում ուղևորատար լաստանավը բախվել է մի քանի նավերի

Այսօր, 17:30

Թուրքական Չեշմե նավահանգստում ուղևորներով լաստանավը բախվել է մի քանի նավերի, երբ նավապետը կորցրել է նավի կառավարումը, զոհեր չկան, կիրակի օրը հաղորդել է A Haber հեռուստաալիքը։

«Միջադեպը տեղի է ունեցել Չեշմե նավահանգստի մուտքի մոտ, երբ Հռոդոս կղզի ուղևորվող լաստանավը հանկարծակի կորցրել է կառավարումը, ենթադրաբար, շարժիչի խափանման պատճառով։ Լաստանավը կարողացել է կանգ առնել նավահանգստում կայանված՝ Հունաստանի դրոշի տակ գտնվող մի քանի նավերի հետ բախվելուց հետո»,- հաղորդել է հեռուստաալիքը։

Լաստանավի ուղևորները չեն տուժել, սակայն նրանք ստիպված են եղել մոտ երկու ժամ անցկացնել նավի վրա՝ սպասելով օգնության։ Արդյունքում, նրանք տարհանվել են քարշակների օգնությամբ։ Սկսվել է վնասի գնահատում և միջադեպի հետաքննություն։