«Այս ուղու հետ կապված՝ Իսլամական Հանրապետության պահանջները հաշվի են առնվել». Փեզեշքիան

Իրանի նախագահ Մասուդ Փեզեշքիանը պատասխանել է «Թրամփի ուղու» վերաբերյալ լրագրողների հարցին. «Այնպես չէ, ինչպես լուրերում ուռճացնում են։ Այս ուղու հետ կապված՝ Իսլամական Հանրապետության պահանջները հաշվի են առնվել»։

Լրագրողի հարցին՝ արդյո՞ք ԱՄՆ ներկայությունը չի մտահոգում Իրանին, նա պատասխանել է. «Հարցերից մեկը դա է։ Բայց տարածքային ամբողջականության հարցը, դեպի Եվրոպա կամ հյուսիս մեր ճանապարհի չփակվելու հարցերը հաշվի են առնվել։

Միակ մտահոգությունն այն է, որ ամերիկյան ու հայկական ընկերություններն են այդ ճանապարհը կառուցելու»։