Մեդուզաները կաթվածահար են արել Ֆրանսիայի ամենամեծ ատոմակայանի աշխատանքը

Ֆրանսիայի հյուսիսում գտնվող Գրավլինի ատոմակայանը, որն ամենամեծն է Արևմտյան Եվրոպայում, դադարեցրել է գործունեությունը մեդուզաների զանգվածային ներխուժման պատճառով:
Ռեակտորի սառեցումն ապահովող ջրընդունիչ համակարգերի ֆիլտրերը խցանվել են մեծ քանակությամբ մեդուզաներով. կայանն ստիպված է ջուր վերցնել Հյուսիսային ծովից եկող ջրանցքից։

EDF օպերատորի տվյալներով՝ օգոստոսի 10-ի երեկոյան Գրավլինի վեց ռեակտորներից չորսում ավտոմատ անջատում է տեղի ունեցել խցանված ֆիլտրերի պատճառով։ Երկու այլ ռեակտորներ նախկինում դադարեցվել էին վերանորոգման աշխատանքների համար, ուստի այժմ ամբողջ ատոմակայանի գործունեությունը կասեցվել է։ EDF-ն ընդգծել է, որ անվտանգության սպառնալիք չկա, և կայանի աշխատակիցներն աշխատում են այն հնարավորինս շուտ գործարկելու ուղղությամբ։

Գրավելինի հզորությունը 5,4 ԳՎտ է. արտադրված էլեկտրաէներգիան բավարար է 5 միլիոն տուն մատակարարելու համար։

Մասնագետները նշել են մեդուզաների թվի ընդհանուր աճ Հյուսիսային ծովի ափին՝ Դյունկերկի և Կալեի միջև, որտեղ գտնվում է ատոմակայանը։ Նրանք սա բացատրում են կլիմայի փոփոխության պատճառով ջրի ջերմաստիճանի բարձրացմամբ: Ծովային կենսաբանները բացատրում են, որ մեդուզաներն ավելի արագ են բազմանում ավելի տաք ջրերում, ինչը հանգեցնում է նրանց թվաքանակի աճի, այդ թվում՝ Հյուսիսային ծովում: