«Նիկոլաթուրքական օկուպացիոն ռեժիմի դեմ պայքարի էս իներցիոն տրամաբանությունը պետք է հիմքից փոխվի». Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը․ «Վերջին 5 տարվա դիմադրության բոլոր գործողությունները, ենթադրաբար, ուղղված են եղել նիկոլաթուրքական ռեժիմի համար «ճգնաժամ ստեղծելուն»։ Օրինակ՝ փողոցները փակելով։
Բայց արդյոք ճգնաժամ ստեղծելը վնասելո՞ւ է մի ռեժիմի, որը 7 տարի է՝ ծլում-ծաղկում-բարգավաճում է հենց անընդհատ ճգնաժամեր ստեղծելով։
Տեսե՛ք, հենց նիկոլականների ջանքերով Երևանում տրանսպորտային համակարգի կոլապսը արդեն նորմալ է դարձել։ Բոլորս արդեն մոռացել ենք, թե նորմալ տրանսպորտն ինչպես պետք է աշխատի։ Իրենք ավելի լավ են քաղաքը կաթվածահար անում, քան փողոց փակող 10 հազար ընդդիմադիր կկարողանային դա անել։
Կամ, ասենք՝ եթե ինչ-որ ընդդիմադիրներ Սովետաշենի աղբանոցը հրդեհեին, հաստատ կդատվեին, իսկ նիկոլական գրչակներն էլ առավոտից իրիկուն հետույքները պատռելու էին, թե «Վաաաայ, թույնեցիիին, խեղդեցիիին, քիմիական զենք կիրառեցիիին քաղաքացիների դեմ» և այլն, և այլն։ Բայց 2 տարի է՝ Սովետաշենի աղբանոցը պարբերաբար այրվում է (համարյա վստահ եմ, որ ոչ պատահական) ու... ոչ մի բան։ Մինչ այդ էլ կանաչ գոտիներում էին անդադար հրդեհներ բռնկվում, հիշո՞ւմ եք։
Հիշեք կովիդի (ի դեպ, էդ անտերը՝ ըստ հայերենի կանոնների, պիտի «կ»-ով գրվի, ոչ թե «ք»-ով) ճգնաժամը, որից նիկոլանք բոլոր առումներով շահած դուրս եկան և բազում այլ ճգնաժամեր...
Այսինքն, սրանք կառավարում են հենց ճգնաժամեր ստեղծելով։
Մասնագիտական գրականության մեջ արձանագրած փաստ է. պոպուլիստ բռնապետերին բնորոշ է ճգնաժամեր ստեղծելով, մարդկանց շշկռացնելով, շոկի ենթարկելով, անընդհատ ցնցումների, անորոշության և լարվածության մեջ պահելով կառավարելը։ Երբ հարմար ճգնաժամ չկա, իրենք են արհեստական ճգնաժամ հրահրում, որ ժողովուրդը մի վայրկյան հանգիստ չմնա։
Լավ, մասնագիտականը մի կողմ... Հայ ազգի բոլոր հեղափոխական աֆերիստների հավաքական կերպար Փանջունու շուրթերով Երվանդ Օտյանը դեռ էէէ երբ է նկարագրել այդ սխեման.
«Ժողովուրդը պետք է մի րոպե չդադրի մեզմով զբաղվելե. պետք է միշտ լարված դրության մեջ ըլլա, թեկուզ այդ դրությունը մեզ դեմ ըլլա, հարկ է զայն տրորել, խոնջեցնել, ոգեսպառ ընել մինչև որ տեղի տա և ստիպվի դառնալ մեր համակիրը»։
* * *
Եթե ուզում ենք այս աղետից երբևէ դուրս գալ, ապա նիկոլաթուրքական օկուպացիոն ռեժիմի դեմ պայքարի էս իներցիոն տրամաբանությունը պետք է հիմքից փոխվի»։