«Առնվազն երկու դատավոր կարող է փոխել իր հետագա կյանքը»․ Լիլիթ Բլեյան

Երգչուհի Լիլիթ Բլեյանի ֆեյսբուքյան գրառումըԱշխարհը, շունչը պահած, օգոստոսի 15-ին է սպասում՝ ենթադրելով, թե Ալյասկայում ինչ-որ մեծ, երանելի իրադարձություն պիտի տեղի ունենա, որը կփոխի աշխարհի ընթացքը։
Երևանում, նույն օգոստոսի 15-ին, մի մարդ հնարավորություն ունի երանելի մի բան անելու ինքն իր համար, իր սեփական խղճի համար՝ ինքն իրեն շնորհելով մի երանելի նվեր, որի մասին քչերը կարող են երազել։
Այդ մարդը Միքայել Սրբազանի գործը ստանձնած դատավորն է, որը դատի հենց սկզբում կարող է փոխել Սրբազան հոր խափանման միջոց կալանքը (որը պատմական, ամոթալի խարան է ամբողջ դատական և իրավապահ համակարգի վրա) և դատաքննության հետագա ընթացքն անցկացնել իր անձի հանդեպ հանրային հարգանքի մթնոլորտում։
Նույնը՝ օգոստոսի 19-ին, երբ Բագրատ Սրբազանի և Սրբազան պայքարի գործով մյուս բոլորի դատաքննության մեկնարկն է։ Այսօր, երբ արդեն բոլորին հայտնի են դարձել ձայնագրության ամոթալի կեղծման մանրամասները, այս գործի քննությանը նշանակված դատավորը մեծ շանս է ստանում՝ իր իրական կոչմանը ծառայելու։
Ալյասկայում ինչ կլինի՝ մեզնից չի կախված, բայց Երևանում առնվազն երկու դատավոր այս օրերին կարող է փոխել իր հետագա կյանքը՝ ստանալով հանգիստ խիղճ ու հանրային հարգանք»։