«Կհասկանանք՝ դատավորը համարձակություն կունենա՞ դեմ գնալ քաղաքական ճնշումներին»․ Նարեկ Կարապետյան

«Տրամաբանություն չկա՝ Սամվել Կարապետյանին շարունակել կալանքի տակ պահել։ Քանի որ չկա ընդհանուր պրոցեսի տրամաբանություն, մենք չենք կարող վստահ ասել, որ կարող է խնդիրը ինչ-որ իրավական հանգուցալուծում ունենալ, ավելի շատ սա քաղաքական և մարդու հայացքների դեմ քայլեր են»,-Հակակոռուպցիոն դատարանի դիմաց լրագրողների հետ զրույցում ասաց գործարար Սամվել Կարապետյանի եղբորորդի Նարեկ Կարապետյանը՝ ընդգծելով․ «Հետագայում մենք կհասկանանք՝ համարձակություն կունենա՞ դատավորը դեմ գնալ քաղաքական ճնշումներին, թե՞ ոչ»։

Հիշեցնենք, որ Հակակոռուպցիոն դատարանն այսօր քննելու է գործարար Սամվել Կարապետյանի կալանքը երկարացնելու միջնորդությունը։