««Թրամփի Կամրջի» զիջման փոխարեն կարելի էր գոնե փորձել հետ ստանալ Գորիս-Կապան մայրուղին». Էդուարդ Աբրահամյան

Միջազգային հարաբերությունների դոկտոր Էդուարդ Աբրահամյանի ֆեյսբուքյան գրառումը. «Թրամփի Կամուրջի (aka TRIPP, Զանգեզուրի միջանցք) զիջման փոխարեն, օրինակ կարելի էր գոնե փորձել հետ ստանալ Գորիս-Կապան մայրուղին, որն Ադրբեջանին իր սեփական կենսական կամ ռազմավարական կարիքների ու նպատակների համար քիչ պիտանելիություն ունի, ի տարբերություն Հայաստանից օկուպացված այլ տարածքների ու բարձունքների։
Ենթադրում եմ, որ Բաքուն Գորիս֊Կապան մայրուղին օկուպացրել է հենց այս «առիթների» ժամանակ առևտրի առարկա որպես հանձնելու մտադրությամբ։ Ուստի շատ տրամաբանական կլիներ, որ «Ադրբեջանից Նախիջևան անխափան ճանապարհ» տրամադրելու դիմաց Հայաստանը ստանար իր համար ռազմավարական կարևոր նշանակություն ունեցող Գորիս-Կապան մայրուղին։
Լրիվ համադրելի ու ընկալելի գործարքի տարբերակ «պարտված», բայց չկոտրված, ինտելեկտուալ ու ռազմավարական հաշվարկ անող պետության համար»։