«Երբեք այդքան ազատ չեմ եղել, որքան այս 50 օրը»․ Միքայել Սրբազան

«Բազմաթիվ հոգևորականների անցած ճանապարհով եք ինձ անցկացնում։ Այն է՝ հանիրավի դատապարտվել, հալածվել և ազատազրկման մեջ գտնվել»,- դատարանում ասաց Միքայել Սրբազանը՝ նշելով, որ երբեք այդքան ազատ չի եղել, քան այս 50 օրը, որ գտնվել է անազատության մեջ։ Նրա խոսքով այսօր նաև լրանում է 50 տարին, որ ընտրել է Եկեղեցուն ծառայելու առաքելությունը։ «Շնորհակալ եմ Աստծուն, որ ինձ տվեց հնարավորություն հասկանալու, թե ինչպես կարելի է անազատության մեջ լինել լիակատար ազատ։ Չկա մի վայր, որտեղ Աստված ներկա չէ, այդ ինչպե՞ս պետք է մեկուսացնեք ինձ, որ զրկվեմ Աստծո ներկայությունից»․- ասաց Սրբազանը՝ հավելելով, որ հոգևորականը չի ընկճվում ազատազրկումից։ Նա նշեց, որ նման կարծիքի է նաև Բագրատ Սրբազանը, ում համար ևս ազատազրկումը պատիժ չէ։