«ՀՀ-ում չկա մի մարդ, ում բարոյական, աշխարհիկ արժեքները բավարար են Միքայել Սրբազանին դատելու համար»․ Վահե Գրիգորյան

Փաստաբան Վահե Գրիգորյանի ֆեյսբուքյան գրառումը. «Հայաստանում չկա մի մարդ, ում բարոյական, աշխարհիկ, անգամ իսկ ծագումնաբանական արժեքները բավարար են Միքայել Սրբազանին դատելու համար։
Ամբողջ կյանքը Հայկականին, Հայաստանին, Հային ու Հայ հոգևորին նվիրած մարդուն հետապնդում են անգիր արած թեստերով պաշտոն ու հնարավորություն ստացած անհայտ մարդիկ, ում պատմության մեջ անգամ մի ստորակետ չի նվիրվելու։
Դիպլոմներ ու այլ թղթի կտորներ ունենալը դեռ բավարար չէ. արժեքներ են պետք, իսկ Միքայել Սրբազանը ոտքից գլուխ, ծագումից մինչև ազգանուն Հայկական Ազգային ու հոգևոր արժեք է։
Չնայած՝ զարմանալու ոչինչ չկա. խեղված ու բարոյազուրկ կրթական համակարգի «բերքն» էլ այսպիսին պիտի լիներ»։