«Լիդյա Մանթաշյանի «մեղքը» անձնական նոթատետրում արված գրություններն են»․ Տաթևիկ Սողոյան

«Սրբազան պայքարի» գործով անցնող միակ կինը՝ կալանավորված Լիդյա Մանթաշյանը դեռ պատշաճ հնարավորություն չի ունեցել ծանոթանալու քրեական գործերի նյութերին, հասկանալու դրանց մեջ իր դեմ ինչ կա, Armenia Sputnik–ին ասել է փաստաբան Տաթևիկ Սողոյանը, որը օրեր առաջ «Աբովյան» ՔԿՀ-ում տեսակցել է նրան։

«Լիդիան խցում մենակ չէ, իր հետ ևս 3-4 հոգի կան։ Իր պահման պայմանների մասին որևէ դժգոհություն չի հայտնել։ Նրա հիմնական դժգոհությունը այս գործի շինծու, քաղաքական լինելու հետ է կապված։ Լիդյան և մյուս բոլոր քաղբանտարկյալները օր առաջ պետք է ազատ արձակվեն»,-նշել է իրավապաշտպանը։

Նրա խոսքով՝ Լիդիայի «մեղքը» անձնական նոթատետրում արված գրություններն են, անձնական մտքերը, որոնք որևէ հավաստում չեն ստացել որևէ մեկի կողմից։