Ուկրաինայի ԶՈՒ-ն Կուրսկում հարձակվել է ռուսական շարասյան վրա, գեներալ է վիրավորվել

Ուկրաինական զորքերը հարձակվել են ռուսական զորքերի շարասյան վրա Ռուսաստանի Դաշնության Կուրսկի մարզի Ռիլսկ-Խոմուտովկա մայրուղու վրա։

Այս մասին հայտնել է Ուկրաինայի պաշտպանության նախարարության գլխավոր հետախուզական վարչությունը։

Տեղեկատվության համաձայն, հարձակման հետևանքով ծանր վիրավորվել է Ռուսաստանի զինված ուժերի Հյուսիսային խմբավորման ուժերի հրամանատարի տեղակալ գեներալ-լեյտենանտ Աբաչովը։

«Նա շտապ տեղափոխվել է ռազմական տրանսպորտային ինքնաթիռով Մոսկվայի Վիշնևսկու անվան կենտրոնական կլինիկական հիվանդանոց, որտեղ բուժման ընթացքում անդամահատվել են նրա ձեռքն ու ոտքը», - հայտնել է գլխավոր հետախուզական վարչությունը։