Պատերազմի 1010 օրվա ընթացքում Ռուսաստանը գրավել է Ուկրաինայի տարածքի 1%-ից պակասը. DeepState

Պատերազմի 1010 օրվա ընթացքում Ռուսաստանը գրավել է Ուկրաինայի տարածքի 1%-ից պակասը։ Այս ընթացքում Ուկրաինայի տարածքի մոտ 5.8 հազար քառակուսի կիլոմետրն անցել է Ռուսաստանի վերահսկողության տակ։ Այս մասին հայտնել է DeepState մոնիթորինգային ծառայությունը, որը համագործակցում է Ուկրաինայի պաշտպանության նախարարության հետ։
2022 թվականի նոյեմբերի 12-ից, երբ Ուկրաինայի տարածքի 108,651 քառակուսի կիլոմետրը գտնվում էր Ռուսաստանի վերահսկողության տակ, մինչ օրս այս ցուցանիշը աճել է մինչև 114,493 քառակուսի կիլոմետրի։ Այս ընթացքում Ռուսաստանի Դաշնությունը գրավել է 5,842 քառակուսի կիլոմետր, որը կազմում է Ուկրաինայի ամբողջ տարածքի 0.96%-ը՝ միջազգայնորեն ճանաչված սահմաններում։

DeepState-ը նշում է, որ ռուսները մեծ հաջողությունների են հասել ներխուժման առաջին օրերին, սակայն Ուկրաինայի հյուսիսում՝ Խարկովի և Խերսոնի մարզերում հարձակողական գործողությունների շնորհիվ, նրանց հաջողվել է վերադարձնել դրա մեծ մասը։ «2022 թվականի նոյեմբերի 12-ից հետո (ռուսները) շարունակեցին ակտիվ հարձակողական գործողությունները, որոնք աննշան ընդհատումներով շարունակվում են մինչ օրս։ ...Մենք հույս ունենք, որ այս թվերը կհասնեն մեր ամերիկացի գործընկերներին, քանի որ նրանց մաթեմատիկան անհաջող է»,- գրում է DeepState-ը։