«Սամվել Կարապետյանը դարձել է Հարավային Կովկասի շուրջ ընթացող գլոբալ խաղի մի բաղադրիչ». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Սամվել Կարապետյանը հնարովի, աբսուրդ մեղադրանքով 62 օր անազատության մեջ է։ Նա ՌԴ քաղաքացի է, մեծ գումարներն աշխատել է այդ երկրում, Ռուսաստանի անշարժ գույքի շուկայում 2-րդ կամ 3-րդ տեղում է։ Ռուսաստանը բազում լծակներ ունի և պարտավոր է պաշտպան կանգնել հանիրավի մեղադրվող իր քաղաքացի Սամվել Կարապետյանին: Դրա համար Ռուսաստանը Նիկոլ Փաշինյանի իշխանության վրա ազդելու բազում լծակներ ունի, հիշենք Ռուսաստանում նախորդ տարիներին բացահայտված ու թաքցված հայկական ծխախոտի մաքսանենգության դեպքերը, Խաչատուր Սուքիասյանի վերաբերյալ ադամանդի գործը և այլն։ Ռուբեն Վարդանյանը Արցախում Ադրբեջանին հանձնվեց Ռուսաստանի իշխանության համաձայնությամբ, Սամվել Կարապետյանը Նիկոլ Փաշինյանի դատարանին է հանձնվել Ռուսաստանի համաձայանությա՞մբ, թե՞ հետագայում Ռուսաստանը կմիջամտի։ Նրանք, ովքեր կասեն՝ Հայաստանում դատարանն արդար է, թող իրենց լեզուն համապատասխան տեղը կոխեն։ Ենթադրում եմ, որ Սամվել Կարապետյանը կամա թե ակամա դարձել է Հարավային Կովկասի, Հայաստանի շուրջ ընթացող գլոբալ խաղի մի բաղադրիչ, և այդ խաղում շատ բան դեռ նոր պետք է որոշվի»: