«Հիշո՞ւմ եք՝ ինչպես էին ՔՊ-ականները արդարացնում վարչապետի արտահայտությունը». Գևորգ Թոսունյան

Լրագրող Գևորգ Թոսունյանի ֆեյսբուքյան գրառումը․ «Վարչապետը ներողություն է խնդրում իր հայտնի «դոմփել» արտահայտության համար։ Հիշո՞ւմ եք՝ այդ խոսքից հետո ինչպես էին ՔՊ-ականները, «Հանրային»-ի եթերում հայտնված տարբեր «փորձագետներ» ու նույնիսկ իրենց իբր արևմտամետ արժեքների կրող ներկայացնողները պարբերաբար արդարացնում այդ արտահայտությունը։
Որոշներն այն համարում էին համարձակ քաղաքական խոսք, ոմանք էլ՝ ընդդիմախոսներին իրենց տեղը ցույց տալու տեղին միջոց։
Իսկ այսօր վարչապետը, որի խոսքն այդքան եռանդով պաշտպանում էին, ինքն է ներողություն խնդրում դրա համար։ Ստացվում է, որ մի ամբողջ քաղաքական բանակ պաշտպանում էր մի բան, որը, ըստ հենց հեղինակի, ներողության արժանի արարք է։
Գուցե հաջորդ անգամ սպասեն ու համոզվեն՝ դիրքորոշումը վերջնական է, թե՞ մի քանի ամսից կարող է փոխվել, հետո միայն շուրջ արդարացման արշավ սկսեն։
Ի դեպ, ԿԿՀ-ն, որը արձանագրել էր խախտումը, դոմփելու ստատուսն է վերլուծել ու արձանագրել, որ ՖԲ-ի օգտատերերի արձագանքները մեծապես բացասական են եղել՝ 7,100-ից ավելի մեկնաբանություններից 5,500 դժգոհություն արտահայտող արձագանքներ են եղել»: