Երեքշաբթի, 13 հունվարի, 2026 թ.
|
Ստեփանակերտում`   +4 °C

«Մեր մտահոգությունն ամերիկյան ընկերությունների տարածաշրջան գալն է»․ Փեզեշքիան

«Մեր մտահոգությունն ամերիկյան ընկերությունների տարածաշրջան գալն է»․ Փեզեշքիան
482
Երկուշաբթի, 18 օգոստոսի, 2025 թ., 15:20

Երևանում քննարկվելիք հիմնական հարցերից մեկը կլինի Հյուսիս-Հարավ միջազգային տրանսպորտային միջանցքը։ Այս մասին SNN News-ի եթերում հայտնել է Իրանի նախագահ Մասուդ Փեզեշքիանը։

«Հայաստան այցի ընթացքում կքննարկենք Հյուսիս-Հարավ միջանցքի հարցերը։ Արևելք-Արևմուտք երթուղին նույնպես լավ հարթակ է մեզ համար՝ առևտրային ուղիներն ընդլայնելու համար»,- ասել է նա։

Անդրադառնալով տարածաշրջանում ամերիկյան ընկերությունների մասնակցության վերաբերյալ մտահոգություններին՝ Իրանի նախագահը նշել է, որ այս հարցը նույնպես կլինի օրակարգում. «Մեր հիմնական մտահոգությունն ամերիկյան ընկերությունների տարածաշրջան գալն է։ Նրանք հաճախ հանդես են գալիս որպես ընկերություններ, բայց իրականացնում են այլ գործողություններ։ Այս հարցերի շուրջ նույնպես բանակցություններ կվարվեն»,- հավելել է նա։