«Սա հարված է մեր հարաբերություններին և էներգետիկ անկախությանը»․ Զելենսկի

Ուկրաինայի նախագահ Վլադիմիր Զելենսկին անդրադարձել է գիշերվա ընթացքում Ուկրաինայի Օդեսա քաղաքում ադրբեջանական SOCAR ընկերության բենզալցակայանին ու դրան պատկանող պահեստներին ՌԴ հարվածներին՝ դրանք անվանելով միտումնավոր հարձակում։ Այս մասին նա գրառում է կատարել Թելեգրամի իր էջում։

«Օդեսայում ադրբեջանական ընկերությանը պատկանող էներգետիկ օբյեկտի վրա նույնպես միտումնավոր ռուսական հարձակում է տեղի ունեցել։ Այսինքն՝ սա հարված է մեր հարաբերություններին և էներգետիկ անկախությանը»,- գրել է Զելենսկին։