Դատարանը թույլատրեց տեսակցել Միքայել Սրբազանին

Երևանի ընդհանուր իրավասության առաջին ատյանի դատարանի Ավան նստավայրում այսօր Հայ Առաքելական Եկեղեցու Շիրակի թեմի առաջնորդ Միքայել արքեպիսկոպոս Աջապահյանի գործով դատական երկրորդ նիստն էր։

Նիստը նախագահող դատավոր Արմինե Մելիքսեթյանը բավարարեց Սրբազանի պաշտպանների ներկայացրած միջնորդությունը, Կալանքի ընթացքում Միքայել Սրբազանին տեսակցությունները թույլատրվեցին՝ բացառությամբ ԶԼՄ ներկայացուցիչների։

Հիշեցնենք՝ Միքայել Սրբազանին մեղադրանք են առաջադրել «իշխանությունը զավթելուն ուղղված հրապարակային կոչեր հնչեցնելու» համար։