«1-2 շաբաթում պարզ կդառնա՝ հնարավո՞ր է Ուկրաինայի հակամարտությունը կարգավորել բանակցությունների միջոցով». Թրամփ

ԱՄՆ նախագահ Դոնալդ Թրամփը կարծում է, որ մեկ կամ երկու շաբաթվա ընթացքում պարզ կդառնա՝ հնարավո՞ր է արդյոք Ուկրաինայի հակամարտությունը կարգավորել բանակցությունների միջոցով։
«Մի փոքր ժամանակ անց, ոչ շատ երկար, 1-2 շաբաթ անց մենք կիմանանք՝ կկարգավորե՞նք սա, թե՞ այս սարսափելի մարտերը կշարունակվեն։ Մենք կանենք ամեն ինչ, որպեսզի դադարեցնենք դրանք», - ասել է ԱՄՆ նախագահը Սպիտակ տանը եվրոպացի առաջնորդների և Վլադիմիր Զելենսկու մասնակցությամբ կայացած հանդիպման ժամանակ։ Թրամփը հավելել է, որ կան «երկու շահագրգիռ կողմեր, որոնք ցանկանում են գործարք կնքել»՝ նկատի ունենալով Մոսկվային և Կիևին։