Զելենսկին խուսափեց պատասխանել տարածքների հնարավոր փոխանակման մասին հարցին

Ուկրաինայի նախագահ Վլադիմիր Զելենսկին ուղղակիորեն չպատասխանեց խաղաղության հասնելու համար Ռուսաստանի հետ տարածքների հնարավոր փոխանակման մասին հարցին։

«Մենք պետք է դադարեցնենք այս պատերազմը։ ...Մեզ անհրաժեշտ է ամերիկացի և եվրոպացի գործընկերների աջակցությունը, և մենք կանենք ամեն ինչ, ինչ կարող ենք։ ...Մենք աջակցում ենք Միացյալ Նահանգների և անձամբ նախագահ Թրամփի գաղափարներին՝ այս պատերազմը դիվանագիտական միջոցներով դադարեցնելու համար, և մենք պատրաստ ենք եռակողմ բանակցությունների»,- ասել է նա ԱՄՆ-ի նախագահ Դոնալդ Թրամփի հետ հանդիպմանը՝ պատասխանելով այն հարցին, թե արդյոք պատրաստ է շարունակել ուկրաինական զորքերին մահվան ուղարկել ևս մի քանի տարի, թե՞ պատրաստվում է համաձայնել «քարտեզների վերաձևավորմանը»։