«Փաշինյանը կատարեց Ալիևի տված տնային առաջադրանքը»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանը երեկ՝ օգոտոսի 18-ին կատարեց Իլհամ Ալիևի կողմից իրեն տրված հերթական տնային առաջադրանքը։ Այդ առաջադրանքում Հայաստանում «ռևանշիզմի դեմ պայքարի» կետ կա։ «Ռևանշիզմի» դեմ Նիկոլ Փաշինյանը ուղերձում հայտարարեց․ «Մեր նահատակներին խնկարկելու և սրբացնելու, նրանց հիշատակի հետ հարաբերվելու մեր ձևն անգամ պիտի կաթիլ-կաթիլ, միլիմետր առ միլիմետր փոխվի, որովհետև խաղաղությունը պետք է մխիթարի որդեկորույս ծնողներին, այրիացած կանանց, կանանց կորցրած ամուսիններին, ծնող կորցրած զավակներին։ Խաղաղությունը պետք է լուսավորի մեր նահատակների հոգիները, որովհետև ահա Հայաստանի Հանրապետությունը՝ որպես միջազգային կյանքի ավելի ու ավելի հեղինակավոր դարձող մասնակից, ավելի անկախ, ավելի ինքնիշխան, ավելի ինքնավստահ մի պետություն, ահա սա է այն նպատակը, որի համար ընկան մեր եղբայրներն ու քույրերը և նրանց զոհողության սուգը պիտի հաղթահարենք խաղաղության բերկրանքով, որովհետեւ քրիստոնեական-առաքելական մեր հավատը մեզ ասում է՝ մեռած չեն նրանք, այլ այստեղ են հենց հիմա, մեր գլխավերեւում և ժպտում են մեզ, որովհետև եկել է Հայաստանի Հանրապետության այն ապագան, որի շուրջ 2021 թվականին մենք պայմանավորվածություն ձեռքբերեցինք մեր նահատակների մարմինները դեռ չսառած»։ Իլհամ Ալիևը հանձնին Նիկոլ Փաշինյանի ոսկե ձկնիկ է բռնել, որը հերթով կատարում է Իլհամի բոլոր ցանկությունները կամ՝ նրա կողմից իրեն տրված տնային առաջադրանքները»։