«Երևան-Եղվարդ ճանապարհին վթարները տեղի են ունենում հիմնականում վազանցման պատճառով»․ Վահե Գևորգյան

Երևանի ավագանու նախկին անդամ Վահե Գևորգյանը ֆեյսբուքյան իր էջում գրել է. «Երևան-Եղվարդ միջպետական ճանապարհը գերազանց ասֆալտապատում ունի։ Սակայն անընդհատ վթարներ են տեղի ունենում, հիմնականում՝ վազանցման պատճառով։ Խնդիրն այն է, որ այդ ճանապարհով անընդհատ ծանրաքաշ մեքենաներ են անցնում, նույնիսկ՝ տրակտորներ, որոնք շարժվում են ընդամենը 20-30 կմ/ժ արագությամբ։ Շատ հաճախ վազանցումը չափազանց վտանգավոր է, իսկ երբեմն՝ գրեթե անհնար՝ ճանապարհի ծանրաբեռնվածության պատճառով։ Անհամար դեպքերում ես ինքս վթարի ականատես եմ եղել։ Քչերն են համբերատար, որ կարողանան 5-10 կմ տրակտորի հետևից 20 կմ/ժ արագությամբ շարժվել»։