Միքայել Սրբազանի գործով դատական նիստը՝ ուղիղ միացմամբ

Այսօր, 14:30

Երևան քաղաքի առաջին ատյանի ընդհանուր իրավասության քրեական դատարանի Ավան նստավայրում շարունակվում է Շիրակի թեմի առաջնորդ Միքայել արքեպիսկոպոս Աջապահյանի դեմ քրեական գործով երրորդ դատական նիստը։

Հիշեցնենք՝ առաջին դատական նիստի ժամանակ Միքայել Սրբազանի երկամսյա կալանքը ևս 10 օրով երկարաձգվեց։ Դատարանը նաև մերժեց քրեական հետապնդումը դադարեցնելու միջնորդությունը։

Երկրորդ դատական նիստին նախագահող դատավոր Արմինե Մելիքսեթյանը բավարարեց Սրբազանի պաշտպանների ներկայացրած միջնորդությունը՝ կալանքի ընթացքում Միքայել Սրբազանին տեսակցությունները թույլատրվեցին՝ բացառությամբ ԶԼՄ ներկայացուցիչների։
Միքայել Սրբազանը մեղադրվում է իշխանությունը զավթելու և սահմանադրական կարգը բռնի տապալելուն ուղղված հրապարակային կոչեր հնչեցնելու մեջ։