«ՌԴ-ի նպատակը երբեք տարածքներ զավթելը չի եղել, այլ՝ ռուսներին պաշտպանելը»․ Լավրով

Ռուսաստանի նպատակը երբեք չի եղել տարածք զավթելը, այլ ռուսներին պաշտպանելը։ Այս մասին հայտարարել է ՌԴ ԱԳ նախարար Սերգեյ Լավրովը։

«Ուզում եմ ևս մեկ անգամ ընդգծել՝ մենք երբեք չենք խոսել այն մասին, որ պարզապես պետք է զավթենք որոշ տարածքներ։ Ո՛չ Ղրիմը, ո՛չ Դոնբասը, ո՛չ էլ Նովոռոսիան որպես տարածքներ երբեք մեր նպատակը չեն եղել։ Մեր նպատակն էր պաշտպանել մարդկանց, ռուս ժողովրդին, որը դարեր շարունակ ապրել է այս հողերի վրա, արյուն է թափել դրանց համար թե՛ Ղրիմում, թե՛ Դոնբասում, ստեղծել է քաղաքներ՝ Օդեսա, Նիկոլաև, շատ ուրիշ քաղաքներ, նավահանգիստներ, գործարաններ»,- նշել է Լավրովը։