«Ադրբեջանում ամենևին խաղաղասիրական տրամադրություններ չեն հայերի նկատմամբ»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Ադրբեջանում ամենևին խաղաղասիրական տրամադրություններ չեն։
Մինչ Նիկոլ Փաշինյանը Ադրբեջանի հետ խաղաղություն, իրականում՝ նոր կապիտուլյացիա է քարոզում, Ադրբեջանում հայերի հանդեպ խաղաղասիրություն չի տիրում, ընդհակառակը՝ հակահայկական քարոզչություն է իրականացվում։ Սոցիալական ցանցերում ադրբեջանցիներն անզուսպ հրճվում են, որ հայերին Ղարաբաղից վտարել են։ Ռուսական լրատվամիջոցները տարածել են տեղեկատվություն Ադլերի օդանավակայանում ձերբակալված Արթուր Սարգսյանի անունով, ՀՀ կեղծ անձնագրով ադրբեջանցի Էլչին Մամեդովի մասին, ով ծրագրել էր Սոչիում, Կրասնոդարի երկրամասում մի շարք կարևոր օբյեկտների պայթյուններ իրականացնել, որպեսզի դրա հետևանքով տեղի ռուսները հարձակվեին Սոչիի, Կրասնոդարի երկրամասի հայերի վրա ու սպանեին նրանց։ Ռուսական լրատվամիջոցները հայտնում են, որ բարձրագույն տեխնիկական կրթություն ունեցող, 5 լեզուների տիրապետող, դեմքի պլաստիկ վիրահատության ենթարկված, դիվերսիոն աշխատանքի հարուստ փորձ ունեցող այդ ադրբեջանցու հետևում կանգնած են Ադրբեջանի ու այլ երկրների հատուկ ծառայությունները»։