Շաբաթ, 22 օգոստոսի, 2026 թ.
|
Ստեփանակերտում`   +25 °C

«Մոտ 10 երկիր պատրաստ է զորակազմ ուղարկել Ուկրաինա»․ #Bloomberg

«Մոտ 10 երկիր պատրաստ է զորակազմ ուղարկել Ուկրաինա»․ #Bloomberg
881
Չորեքշաբթի, 20 օգոստոսի, 2025 թ., 09:24

ԵՄ առաջնորդները նախօրեին կայացած առցանց հանդիպման ժամանակ քննարկել են բրիտանական և ֆրանսիական զորքեր Ուկրաինա ուղարկելու ծրագիրը՝ որպես Կիևի և Մոսկվայի միջև ապագա խաղաղության համաձայնագրի մաս: Մասնավորապես, քննարկվել է զորքերի քանակը և տեղակայման վայրը, հաղորդում է Bloomberg-ը՝ հղում անելով անանուն աղբյուրների:

Ըստ աղբյուրների՝ մոտ 10 երկիր, այդ թվում՝ Մեծ Բրիտանիան և Ֆրանսիան, հայտարարել են Ուկրաինա զորակազմ ուղարկելու պատրաստակամության մասին:

Հաղորդվում է, որ եվրոպացիների կողմից մշակվող ծրագրի առաջին փուլը ենթադրում է Ուկրաինայի զինված ուժերի ամրապնդում՝ մարզման և անձնակազմի համալրման միջոցով:

Լրատվամիջոցը նշում է, որ դա կիրականացնի «հիմնականում եվրոպական զորքերից բաղկացած բազմազգ խումբը», որը կներառի բրիտանական և ֆրանսիական «հարյուրավոր» զինվորներ, որոնք կտեղակայվեն Ուկրաինայում՝ առաջնագծից հեռու:

Ծրագրի մեկ այլ մասը նախատեսում է Միացյալ Նահանգների աջակցությունը, որը կներառի հետախուզական տվյալների փոխանակում, սահմանային հսկողություն, զենքի մատակարարում և, հնարավոր է, հակաօդային պաշտպանության համակարգեր:

Կարդացե՛ք նաև