«Դատարանի դիմաց հոգևոր թեմերի առաջնորդներ չկային»․ Սյուզի Բադոյան

Լրագրող Սյուզի Բադոյանի ֆեյսբուքյան գրառումը․ «Դատարանի դիմաց լիքը դիմադրող մարդիկ կային, բայց չկային հոգևոր թեմերի առաջնորդներ, չկային։ Եպիսկոպոսները խմբով եկան դատարան, երբ ներսում Սամվել Կարապետյանն էր դատվում՝ բարերարը, ոչ թե Եկեղեցուն ծառայող արքեպիսկոպոսը, ով առաջնորդել է Նիկոլի դեմ ամենամեծ շարժումը Հայաստանում։
Ահա այստեղ ծանր հոգոց։
Արդյոք արժեր աջակցել Նիկոլի դեմ ընդվզած ու շարժում առաջնորդած եպիսկոպոսին, արժեր արդյոք հրապարակայնորեն գալ ու աջակցել հոգևորականին, ում մեղադրում են իբր ահաբեկչության պլաններ գծելու մեջ։ Իսկ ինչո՞ւ վախենալ Բագրատ սրբազանի առաջնորդած շարժումից կամ առավել ևս նրան ու աջակիցներին ուղղված մեղադրանքից, հը՞։
Չէ՞ որ Եկեղեցին չի հավատում այդ սցենարին ու համարում է, որ Եկեղեցու դեմ արշավի մաս է սա։
Ի վերջո Եկեղեցին՝ ի դեմս Կաթողիկոսի, արդեն իսկ պահանջել էր Նիկոլի հրաժարականը 2020 մեծ պատերազմից հետո ու կրկնել է դա ևս մեկ անգամ,
Եկեղեցին իրեն մերժած վարչապետին մերժելու դրվագներ էլի ունի, խորացած անջրպետի համար անեծք է հնչեցրել մեկ այլ Եպիսկոպոսի շուրթերով ապրիլ 24-ին Ծիծեռնակաբերդի բարձունքում։
Ուրեմն ինչո՞ւ վախենալ կամ զգուշանալ Նիկոլի դեմ դուրս եկած հոգևորականի աջակցությունից, մանավանդ մեկին, ով փայլուն էր ծառայել Տավուշի թեմում ու էֆեկտիվ է գործել, կարողացել էր Իջևանցի վարչապետին, ՆԳՆ նախարարին ու այնտեղ ծնված մի շարք այլ պաշտոնյաներին հակակշռել մարզում՝ թե գաղափարական իմաստով, դիմադրությամբ, ու ակտիվ հանրային շփումներով։
Երկրի զարկերակը թփրտալով զարկում է։
Մենք խանդոտ, քենոտ ինտրիգների մեջ ենք դեռ։ Միաբանվելը խոսք չպիտի լինի, օդում կրակել պետք չի, իրապես միաբանվելու համար ջանալ է պետք, ու ամենակարեւորը ՝ չկորցնել ժամանակը»։