Իսրայելը մոտ 60,000 պահեստազորայինների է զորակոչել

Մոտ 60,000 իսրայելցի պահեստազորայիններ կստանան զորակոչի ծանուցումներ, որոնք Իսրայելի պաշտպանության ուժերը կսկսեն տրամադրել վաղվանից՝ Գազա քաղաքի վրա նախատեսված հարձակումից առաջ, հաղորդել է The Times of Israel-ը։
Նշվում է, որ պաշտպանության նախարար Իսրայել Կացը դեռ պետք է հաստատի այս քայլը։
Պահեստազորայիններին կտրվի առնվազն երկու շաբաթ ծառայության ներկայանալու համար։
Հաղորդվում է, որ զորակոչված պահեստազորայիններից ոչ բոլորն են մասնակցելու Գազա քաղաքի գրավման գործողությանը, նրանց մի մասը կփոխարինեն կանոնավոր բանակի զորքերին այլ ճակատներում։

Ավելի վաղ Իսրայելի ՊՆ-ն հաստատել էր Գազա քաղաքը գրավելու ծրագիրը, որը ստացել է «Գեդեոնի կառքեր -2» անվանումը։