«Քաղաքացուն պարտադրվել է վարկ, որի տարեկան տոկոսադրույքը հասնում է 454,7%-ի»․ Մհեր Կարագոզյան

«Հանրային վերահսկողություն» ՀԿ նախագահ Մհեր Կարագոզյանը ֆեյսբուքյան իր էջում գրել է․ «Շոկային՝ 454,7%, և անարդար վարկ՝ ինչպես է համակարգը պաշտպանում զեղծարարին։
Քաղաքացի Դ.Մ.-ն 2025 թ․ ապրիլի 29-ին միայն Արբիտրաժային տրիբունալի միջոցով տեղեկացավ, որ իր անունով իրեն պարտադրվել է վարկ, որի մայր գումարները 122,000 և 40,000 ՀՀ դրամ են, իսկ տարեկան տոկոսադրույքը հասնում է անհավանական 454,7%-ի:
Վարկը տրամադրել է «Գլոբալ Կրեդիտ ՓԲԸ» վարկային կազմակերպությունը՝ անհասկանալիորեն և առանց Դ.Մ.-ի համաձայնության:
Դ.Մ.-ն արդեն դիմել է ոստիկանություն զեղծարարության դեպքի վերաբերյալ և ուղարկել նամակ Կենտրոնական բանկ, սակայն մինչ այժմ անարդարությունն անպատիժ է մնում:
Այս դեպքը ցույց է տալիս խորքային խնդիրներ՝ ֆինանսական համակարգում շարունակվող անպատիժ զեղծարարություններ և քաղաքացիների իրավունքների ոտնահարում:
Ավելին, համակարգը հաճախ փորձում է զոհին մեղադրել՝ կարծես քաղաքացին պատասխանատու լինի՝ «չխաբվեիք»: Իսկ իրականում քաղաքացին է դարձել անարդար և վտանգավոր համակարգի զոհ:
Սա կոչ է բոլորիս ուշադրություն դարձնելու այնպիսի դեպքերին, որոնք կարող են մեզ բոլորիս սպառնալ: Մի թաքցրեք փաստերը, մի թողեք անարդարությունը անպատիժ մնա»: