«Ստիպված եմ լքել դահլիճը․ խախտվում է մեղադրյալի իրավունքը»․ Լիպարիտ Սիմոնյան

Բագրատ Սրբազանի և շարժման 17 աջակիցների դեմ քրեական գործով դատական նիստի ժամանակ փաստաբան Լիպարիտ Սիմոնյանը լքեց դատական նիստերի դահլիճը։ Պատճառն այն էր, որ Հրայր սարկավագի պաշտպան Հովսեփ Սարգսյանը նիստին ներկա չէ, ինչն ըստ փաստաբանի նիստը հետաձգելու հիմք է․ «Ստիպված եմ լքել դահլիճը, կոպտագույն կերպով խախտվում է մեկ այլ մեղադրյալի իրավունքը։ Անձն ունի պաշտպան, սակայն նա չի ներկայացել, ես չեմ ուզում քննարկել պատճառները՝ հարգելի՞ է, անհարգելի՞ է։ Փաստ է, որ անձն առանց պաշտպանի նստած է այստեղ, ինչը նիստը հետաձգելու հիմք է։ Ես հարգելով բոլորին՝ թե՛ դատավորին, թե՛ հանրային մեղադրողին, թե՛ իմ գործընկեր պաշտպաններին, մեղադրյալներին, չեմ կարող մասնակցել մի նիստի, որի ժամանակ խախտվում է մեկ այլ մեղադրյալի իրավունքը»,-ասաց նա՝ լքելով դահլիճւ, թեպետ դատավոր Կարեն Ֆարխոյանը նրան թույլ չտվեց։