Բելառուսն Իրանի քաղաքացիների համար չեղարկել է վիզային ռեժիմը

Բելառուսի նախագահ Ալեքսանդր Լուկաշենկոն հրամանագիր է ստորագրել, որով չեղարկվում է Իրանի քաղաքացիների համար վիզային ռեժիմը, հաղորդում է Tasnim News-ը։

Իրանի մշակութային ժառանգության, զբոսաշրջության և արհեստների նախարար Ռեզա Սալեհի Ամիրին հայտնել է, որ որոշման նպատակն է ամրապնդել Իրանի և Բելառուսի միջև զբոսաշրջային կապերը և պարզեցնել իրանցի զբոսաշրջիկների համար ճանապարհորդությունը։