«Մեկ էլ Բաքվի դատարանում կա ապակի և այսքան մեղադրյալ»․ Արամ Վարդևանյան

«Ես չեմ տեսնում, որ այս նիստի ընթացքը իրավունքի գերակայության մասին է»,- Բագրատ Սրբազանի և մյուսների գործով դատական նիստի ժամանակ ասաց փաստաբան Արամ Վարդևանյանը՝ անդրադառնալով նրան, որ նիստը շարունակվում է Հրայր սարգավագի պաշտպանի բացակայության պայմաններում։ Նշենք նաև, որ պաշտպաններից Լիպարիտ Սիմոնյանը հենց այս պատճառով բոյկոտեց նիստը և հեռացավ։
Վարդևանյանը խորհուրդ տվեց դատավորին նիստի ընթացքին նայել կողքից․ «Մեկ էլ Բաքվի դատարանում կա ապակի, այսքան մեղադրյալ և այսքան ապօրինություն»,- ասաց Վարդևանյանը։
Նիստը ընդմիջվեց, որից հետո առաջնահերթության կարգով կքննվի միակ կին մեղադրյալ Լիդիա Մանթաշյանի խափանման միջոցի հարցը։