«Ինչ ապացույց բերել են, կասկածելի է և ոչ իրավաչափ». Երեմ Սարգսյան

Դատարանը պետք է բերված ապացույցները գնահատի արժանահավատության և թույլատրելիության օրինականության տեսանկյունից: Օրենքն ասում է, որ ցանկացած ապացույց, երբ որ դու ձեռք ես բերում, պետք է ապահովես դրա անփոփոխելիության բոլոր եղանակները, դատարանի բակում լրագրողներին բացատրեց Միքայել Աջապահյանի փաստաբան Երեմ Սրգսյանը:

«Այսինքն, դատարանն ապացույցի արժեք կարող է դրան տալ, եթե դա այնպիսի իրավիճակում է եղել, որ բացառվում են դրանցում փոփոխություններն առգրավումից հետո: Եթե տեսագրությունով չկա, որ դա փաթեթավորված է այնպիսի եղանակով, որպեսզի չփոխվի, խուզարկությունից հետո բերել եք զննելու ու նորից չեք ապահովել օրենքը, որպեսզի երաշխավորվի, որ դա հենց այն համակարգիչն է, որը առգրավվել է կամ ընթացքում չի բացվել, փոփոխություն չի արվել, ուրեմն սա անթույլատրելի ապացույց է: Անկախ նրանից՝ թե ինչ կա, ինչ չկա, փոխել են, թե չեն փոխել: Ինչ բերել են, դա կասկածելի է և ոչ իրավաչափ, հետևաբար պետք է ապացուցողական զանգվածից դուրս գա»,- ասաց նա: