Վաշինգթոնը պատժամիջոցներ է սահմանել չինական ընկերությունների դեմ` իրանական նավթի առաքումներին մասնակցելու համար

Վաշինգթոնը պատժամիջոցներ է սահմանել ծովային տերմինալներ շահագործող չինական ընկերությունների դեմ՝ իրանական նավթի առաքումներին մասնակցելու համար, ասել է փոխխոսնակ Թոմի Փիգոթը։

«Պետդեպարտամենտը պատժամիջոցներ է սահմանում նավթային տերմինալների, պահեստային օբյեկտների և վերամշակված արտադրանքի երկու չինական օպերատորների դեմ, որոնք նպաստել են միլիոնավոր բարել անօրինական իրանական նավթի ներմուծմանը Միացյալ Նահանգների կողմից պատժամիջոցների ենթարկված նավերով», - ասել է Փիգոթը։

Նա բացատրել է, որ Միացյալ Նահանգները այս միջոցառմամբ արգելափակում է Իրանի եկամուտները, որոնք «ֆինանսավորում են ահաբեկչությունն ու ճնշումները»։ Փիգոթը նշել է, որ սա Միացյալ Նահանգների կողմից Իրանի նավթի առևտրին մասնակցող չինական նավահանգստային օպերատորների դեմ կիրառվող պատժամիջոցների չորրորդ փուլն է։