«Բռնատիրությունն ու ռեժիմին ստրկամիտ ծառայությունն այսպես է լինում»․ Լիլիթ Գալստյան

ԱԺ «Հայաստան» խմբակցության պատգամավոր Լիլիթ Գալստյանի ֆեյսբուքյան գրառումը․ «ԼԻՆԵԼ ՄԻ ՔԻՉ ՄԱՐԴ

Սա հանրային մեղադրող, փոխգնդապետ Հայկ Հովհաննիսյանն է։ Երիտասարդը՝ քաղբանտարկյալ Աղվան Արշակյանը։
Դատական նիստում Հ․ Հովհաննիսյանը Աղվան Արշակյանին կրկին՝ երեք ամսով, կալանավորելու միջնորդություն է ներկայացրել։
Հիշեցնեմ, որ «Սրբազան պայքարի կամ ըստ իշխանությունների «հեղաշրջման» գործով կալանավորված Աղվան Արշակյանն առողջական լրջագույն խնդիրներ ունի․ ենթարկվել է գլխուղեղի վիրահատության, անցել քիմիաիմունաթերապիայի և ճառագայթային թերապիայի երկարատև կուրսեր և պիտի գտնվի բժիշկների խիստ հսկողության ներքո։ Այս օրերին նրա առողջական վիճակն ավելի է վատթարացել․․․
Հուլիսի 25-ին, գրեթե մեկ ամիս առաջ, դիմել եմ ՀՀ Գլխավոր դատախազ Ա․ Վարդապետյանին՝ Ա․ Արշակյանի խափանման միջոցի փոփոխման միջնորդությամբ։
Միջնորդագիրս բխում էր ՀՀ սահմնադրությունից և ՀՀ ստանձնած մի շարք միջազգային պարտավորություններից։
Գլխ․ դատախազից մինչ այս պահը պատասխան չեմ ստացել, ինչը ՀՀ օրենքով սահմանցած կարգի խախտում է։
Կրկին կալանավորելու մեղադրող Հայկ Հովհաննիսյանի միջնորդությունը դատարանը մերժեց՝ թողնելով տնային կալանք խափանման միջոցը:
Հ․Գ․ Բռնատիրությունն ու ռեժիմին ստրկամիտ ծառայությունն այսպես է լինում, իսկ ժողովրդավարությունը, արդարադատությունն ու մարդու իրավունքներն Հայաստանում ընդամենը ֆասադ են, երկիրն ու պետականությունը կազմաքանդելու ֆասադ․․․
Եվ, որքան կարճատես կամ ոչնչատեցիլ պիտի լինել, չգիտակցելու, որ ամեն բան, ամենասև ու սատանայական մղձավանջն անգամ վերջ ունի․․․մնալու եք փլատակների տակ․․․»։