«Կանաչ լույսը դեռ չի նշանակում, որ կարելի է մտնել խաչմերուկ»․ Դանիել Իոաննիսյան

ԻՔՄ ծրագրերի համակարգող Դանիել Իոաննիսյանի ֆեյսբուքյան գրառումը. «Երևանում խցանումների հիմնական խնդիրը ոչ ավտոների առատությունն է, ոչ էլ ենթակառուցվածքի խնդիրները։
Խցանումների գլխավոր պատճառն այն է, որ վարորդները մտնում են խաչմերուկ առանց համոզվելու, որ այն կարողանալու են ազատեն։
Դա ոչ միայն ՃԵ կանոնների խախտում ա, այլև պարալիզացնում է խաչմերուկը ու դրա թողունակությունը տասնապատիկ անկում է ապրում։ Դա տարածվում է հարակից խաչմերուկների վրա (քանի որ մեքենաների հերթի պոչը հասնում է նախորդ խաչմերուկին) ու քաղաքը կանգ է առնում։
Հարգելի վարորդներ, կանաչ լույսը դեռ չի նշանակում, որ կարելի է մտնել խաչմերուկ։ Դուք իրավունք չունեք մտնել խաչմերուկ, եթե դիմացը խցանմամբ փակ է ու դուք լռվելու եք խաչմերուկի մեջտեղում՝ փակելով այն (ինչպես նկարում պատկերված մեքենաները)»։