Ոստիկանական մեծաթիվ ուժեր են 102–րդ ռազմաբազայի տարածքում

Գյումրիում տեղակայված ռուսական 102–րդ ռազմաբազայի տարածքում մեծաթիվ ոստիկանական ուժեր են հավաքված։ Փոխոստիկանապետը Նյուզ-ի հետ զրույցում ասել է, որ հասարակական կարգն են պահպանում։
Հիշեցնենք՝ «Հանուն Հանրապետության» կուսակցության ղեկավար Արման Բաբաջանյանի նախաձեռնությամբ, այսօր Գյումրիում ռուսական 102-րդ ռազմաբազայի մոտ տեղի կունենա բողոքի ակցիա։ «102-րդ ռազմաբազան սպառնալիք էր, ոչ թե անվտանգություն»,- գրել է նա։
Նյուզ-ը հայտնում է, որ Գյումրիի Մայր Հայաստան հուշահամալիրի տարածքում ևս մեծաթիվ սև և կարմիր բերետավորներ են հավաքված։