Իրավիճակը՝ 102-րդ ռազմաբազայի տարածքում․ բողոքի ակցիա է սպասվում․ ՈՒՂԻՂ ՄԻԱՑՈՒՄ

Գյումրիում տեղակայված ռուսական 102–րդ ռազմաբազայի տարածքում մեծաթիվ ոստիկանական ուժեր են հավաքված։ «Հանուն Հանրապետության» կուսակցության ղեկավար Արման Բաբաջանյանի նախաձեռնությամբ ռազմաբազայի մոտ տեղի կունենա բողոքի ակցիա։ «102-րդ ռազմաբազան սպառնալիք էր, ոչ թե անվտանգություն»,- գրել է նա։
«Մայր Հայաստան» շարժումը ևս հավաքի մասին է հայտարարել՝ ի աջակցություն հայ-ռուսական ռազմավարական հարաբերությունների և Գյումրի համայնքում տեղակայված ռուսական 102-րդ ռազմաբազայի։
Այս պահին ռազմաբազայից հնչում են հայկական հայրենասիրական երգեր։