Քաղաքականության և արվեստի խաչմերուկում. բացվել է Արամ Մանուկյանի անհատական ցուցահանդեսը

Այսօր՝ օգոստոսի 23-ին, Նկարիչների միության «Մարտիրոս Սարյան» ցուցասրահում բացվել է քաղաքական-պետական գործիչ, ՀԱԿ փոխնախագահ Արամ Մանուկյանի գեղանկարչական աշխատանքների անհատական ցուցահանդեսը, որը կրում է «Անկախության գույնը» խորագիրը: Ցուցահանդեսում ներկայացված են քաղաքական գործչի՝ դեռևս 1980-ական թվականներից սկսած մինչև վերջին տարիները ստեղծած կտավները, որտեղ տեղ են գտել հիմնականում բնապատկերներ, քաղաքային և գյուղական տեսարաններ, նատյուրմորտներ: Արամ Մանուկյանի՝ հատկապես բնանկարներն աչքի են ընկնում վառ ու հյութեղ գույներով:

Հատկանշական է, որ ցուցահանդեսը քաղաքական գործիչը նվիրել է Անկախության հռչակագրի ընդունման 35 ամյակին, և սա պատահական չէ, քանի որ Արամ Մանուկյանը հայտնի է «մեզ անկախ հռչակողը» անվամբ, քանի որ հենց նա է 1990 թվականի օգոստոսի 23-ին ընթերցել ՀՀ անկախության հռչակագիրը։
Ցուցահանդեսի բացմանը ներկա էին մի շարք քաղաքական և հասարակական գործիչներ:
Ցուցահանդեսը կգործի մինչև օգոստոսի 28-ը: