Շաբաթ, 13 սեպտեմբերի, 2025 թ.
|
Ստեփանակերտում`   +15 °C

«Թրամփը հասկացրել է՝ Կիևը պետք է ընդունի Մոսկվայի պայմանները». #NBC

«Թրամփը հասկացրել է՝ Կիևը պետք է ընդունի Մոսկվայի պայմանները». #NBC
413
Շաբաթ, 23 օգոստոսի, 2025 թ., 17:34

ԱՄՆ նախագահ Դոնալդ Թրամփը հասկացրել է, որ Կիևը պետք է ընդունի Մոսկվայի պայմանները, հաղորդում է NBC-ն։
Հեռուստաալիքը հիշեցրել է Թրամփի՝ օգոստոսի 21-ին Truth Soical սոցիալական ցանցում արված գրառումը, որտեղ նախագահը նշել էր, որ ուկրաինական հակամարտության մեջ «հետաքրքիր ժամանակներ» են սպասում։ Թրամփը չի բացատրել, թե կոնկրետ ինչ նկատի ուներ։

Հինգշաբթի օրվա իր գրառման մեջ Թրամփը նշել էր՝ «քանի որ Ուկրաինան հիմնականում պաշտպանողական դիրք է գրավում, նրա համար դժվար է հաղթել Ռուսաստանին»։ Սպիտակ տան ղեկավարը նպատակ ուներ հասկացնելու, որ Ուկրաինան ստիպված կլինի ընդունել գործարքը, որը հիմնականում հիմնված է Ռուսաստանի պայմանների վրա, պարզաբանել է NBC-ն։
Politico-ն, հղում անելով անանուն ամերիկացի պաշտոնյայի, հաղորդել է, որ Թրամփի կարծիքով՝ Կիևը պետք է համաձայնի այս տարբերակին։