«Նիկոլ Փաշինյանը սեփական հանցագործության մասին հաղորդում է տվել»․ Սուրեն Սուրենյանց

«Նիկոլ Փաշինյանն այսօր ամբողջովին ապալեգիտիմացրեց Երրորդ Հանրապետությունը՝ ասելով, որ Հայոց համազգային շարժումը, Անկախության հռչակագիրը ոչ թե մեր անկախության ձգտումն են եղել, այլ Մոսկվայի կողմից ներդրված հայրենասիրության մոդելի դրսևորում են եղել։ Ըստ էության՝ նա անարգում է այն սերնդի հիշատակը, որը հազարավոր զոհեր է տվել՝ հանուն անկախ պետականության կայացման, հանուն Արցախյան առաջին պատերազմում մեր հաղթանակի։ Այսպիսի դավադիր գնահատական չի տվել անգամ որևէ թշնամական պետության ղեկավար»,- «24Նյուզ»-ի հետ զրույցում այս տեսակետը հատնեց քաղաքագետ Սուրեն Սուրենյանցը։

Քաղաքագետի գնահատմամբ՝ Նիկոլ Փաշինյանի այսօրվա ուղերձի ամենադիվային․ ամենասարսափելի միտքն այն է, որ նա ուեցել է հնարավորություն՝ կանխելու 44-օրյա պատերազմի մեկնարկը՝ փոխզիջումների գնալու ճանապարհով, բայց դա չի արել, «քանի որ այդ փոխզիջումները Հայաստանն ավելի կախյալ էին դարձնելու»․․․ «Ես զարմանում եմ, որ այդ տեքստի հրապարակումից անցել է ժամեր, և Գլխավոր դատախազը չի գնացել Նիկոլ Փաշինյանի հետևից․ Նիկոլ Փաշինյանը սեփական հանցագործության մասին հաղորդում է տվել»,- ընդգծեց Սուրենյանցը։