Պեմզաշենում մոր և երեխաների դաժան սպանության գործով դատավարությունն սկսվել է զրոյից

Պեմզաշենում մոր և երկու երեխայի առանձնակի դաժանությամբ սպանության գործով դատաքննության «երկրորդ փուլն» իրականացվում է դռնփակ ռեժիմով՝ պաշտպանության կողմի պահանջով։ Այս մասին հայտնում է «Փաստինֆո»-ն՝ հիշեցնելով, որ աղմկահարույց քրեական գործը շուրջ երկու տարի գտնվել է Երևանի ընդհանուր իրավասության քրեական դատարանի դատավոր Արտուշ Գաբրիելյանի վարույթում՝ հիմնական դատալսումների փուլում․ «Վկաների հարցաքննությունն արդեն ավարտական փուլում էր, սակայն դատավորի լիազորությունները կասեցվել են՝ քրեական հետապնդման ենթարկվելու հիմքով և այժմ քրեական գործը գտնվում է դատավոր Ռոման Սմբատյանի վարույթում և քննվում զրոյից։ Գործով դեռևս գրավոր ապացույցների հետազոտման փուլն է, սակայն ուշագրավ է, որ գործի քննությունն իրականացվում է դռնփակ ռեժիմով՝ պաշտպանների միջնորդությամբ, թեև Արտուշ Գաբրիելյանի վարույթում նույն ապացույցները հետազոտվել են՝ դռնբաց»,- գրում է լրատվականը։։

Հիշեցնենք՝ սարսափելի սպանության դեպքը տեղի է ունեցել 2022թ. նոյեմբերի 9-ին՝ Շիրակի մարզի Պեմզաշեն գյուղում։ Տներից մեկում հայտնաբերվել էր երեք դի։
Մահացածներն են՝ մայրը՝ 31-ամյա Զարինեն, ու նրա երկու երեխաները՝ 12 տարեկան դուստրը և 8 տարեկան որդին։
Մանրամասները՝ սկզբանղբյուրում։