Երկուշաբթի, 25 օգոստոսի, 2025 թ.
|
Ստեփանակերտում`   +23 °C

««Վոժդիզմի» դասական արտահայտում». Մհեր Հակոբյան

««Վոժդիզմի» դասական արտահայտում». Մհեր Հակոբյան
54
Այսօր, 22:12

Ռազմական հարցերով վերլուծաբան Մհեր Հակոբյանի ֆեյսբուքյան գրառումը. «Տեսեք, ժողովուրդ, «վոժդիզմի» դասական արտահայտում «վոժդին» պաշտողի կողմից։ Նույնը եղավ նաև Վանեցյանի պարագայում, նույնը, ցավոք, լինում էր ԽՍՀՄ-ում 1930-ական թվականներին, երբ երեկվա հերոսը մյուս օրը դառնում էր դավաճան՝ Կագանովիչ, Եժով, Բերիա և այլն, երբ սրանք մի օր պաշտվող հերոսներ էին՝ մյուս օրը «վոժդին» դավաճանած տականքներ։
Խնդիրը հետևյալում է՝ մարդկանց մի լայն հատված չի կարողանում կամ ուղղակի տարրական ալարում է... ՄՏԱԾԵԼ։ Նման մարդիկ՝ որպես կանոն, հեշտ ուղի են գտնում՝ գտնել մեկին, «պաշտել» նրան և նրա ճիշտն ու... չէ, այդ «կուռքը» սխալ չի ունենում, և ուրեմն՝ գտնել մեկին, «պաշտել» նրան ու այդ «պաշտված վոժդի» ճիշտը սեփական ճիշտ համարել։
Սա հոտային մտածելակերպն է, ժողովուրդ, սա անչափ վտանգավոր է մեր հասարակության և պետության համար, քանզի հոտային մտածելակերպով տարված անհատների հանրույթին հեշտ է խաբել ու մանիպուլացնել՝ երեխայի նման, որին մի ստից բան ես տալիս՝ ձեռքում գտնվող ավելի թանկարժեք մեկ այլ իր հանգիստ վերցնելու համար։
Ուժեղ է այն հանրույթը, որտեղ մեծ է հենց ՄՏԱԾՈՂ մարդկանց քանակությունը։ Սովորենք... ՄՏԱԾԵԼ»:

Աղբյուրը`   Մհեր Հակոբյան

Կարդացե՛ք նաև