«Պատերազմում կազմակերպված «անկազմակերպությունն», այդուհանդերձ, Ադրբեջանի համար չապահովեց նվազագույն վնասով հաղթանակ». Արա Պողոսյան

Քաղաքագետ Արա Պողոսյանը գրում է․ «Ադրբեջանցի վետերան, 44-օրյա պատերազմի մասնակից Քազի Բարի Վալիևը պատմել է, որ պատերազմի ընթացքում ավելի քան 20․000 զինծառայող վիրավորվել է, սակայն միայն 3․000-ն են ճանաչվել հաշմանդամ։

Հարցազրույցում Հաջի Վալիևը պատմել է, որ կալանքի հիմնական պատճառն այն է, որ նա քննադատել է կառավարությանը, խոսել վետերանների խնդիրների մասին սոցիալական ցանցերում և մամուլում։

Վերջում նա ընդգծել է, որ «Երիտասարդ վետերաններ» հասարակական միավորման գործունեությունը միտված էր վետերանների իրավունքների պաշտպանությանը և սոցիալական աջակցությանը, սակայն ուժային կառույցների ճնշման ներքո կազմակերպությունը ստիպված է եղել դադարեցնել աշխատանքը։

Կարծում եմ, այս խոստովանությունն ապացուցում է, թե Հայկական բանակը ինչպիսի հերոսական մարտեր է մղել անգամ այն դեպքում, երբ իշխանությունը, ինչպես օրերս խոստովանեց Նիկոլ Փաշինյանը, Հայաստանի անկախությունը տեսնում էր պարտության և արցախյան հարցի փակման մեջ։ Կազմակերպված «անկազմակերպությունն», այդուհանդերձ, Ադրբեջանի համար չապահովեց նվազագույն վնասով հաղթանակ»։