Երեքշաբթի, 11 նոյեմբերի, 2025 թ.
|
Ստեփանակերտում`   +20 °C

«Իլհամ, դու մեծ առաջնորդ ես». Ալիևը հրապարակել է Թրամփի ուղարկած մակագրությունը

«Իլհամ, դու մեծ առաջնորդ ես». Ալիևը հրապարակել է Թրամփի ուղարկած մակագրությունը
246
Երեքշաբթի, 26 օգոստոսի, 2025 թ., 00:12

ԱՄՆ-ի նախագահ Դոնալդ Թրամփն Ադրբեջանի նախագահ Իլհամ Ալիևին լուսանկարներ է ուղարկել՝ «Իլհամ, դու մեծ առաջնորդ ես» գրությամբ և իր ստորագրությամբ։ Այս մասին Ալիևն է հայտնել X սոցիալական ցանցի իր էջում:

Ամերիկացի առաջնորդի ուղարկած լուսանկարներում Թրամփը, Ալիևը և Փաշինյանը ձեռք ձեռքի տված են՝ ԱՄՆ-ի միջնորդությամբ Հայաստանի և Ադրբեջանի միջև համաձայնագիրը նախաստորագրելուց հետո։

«Ես բարձր եմ գնահատում նախագահ Դոնալդ Թրամփի վճռական աջակցությունը Ադրբեջանի և Հայաստանի միջև հարաբերությունների կարգավորմանը, ինչպես նաև Հարավային Կովկասում և ամբողջ աշխարհում խաղաղության օրակարգին, և դրա համար կրկին խոր երախտագիտություն եմ հայտնում նրան»,- գրել է Ալիևը։

Հիշեցնենք՝ օգոստոսի 8-ին Սպիտակ տանը Դոնալդ Թրամփը, Նիկոլ Փաշինյանը և Իլհամ Ալիևը նախաստորագրել են Երևանի և Բաքվի միջև հակամարտության խաղաղ կարգավորման վերաբերյալ համաձայնագիրը։