Չորեքշաբթի, 17 դեկտեմբերի, 2025 թ.
|
Ստեփանակերտում`   0 °C

«Շենգեն գոտում ռուս դիվանագետների տեղաշարժը կարող է արգելվել»․ Չեխիայի ԱԳՆ

«Շենգեն գոտում ռուս դիվանագետների տեղաշարժը կարող է արգելվել»․ Չեխիայի ԱԳՆ
1020
Երեքշաբթի, 26 օգոստոսի, 2025 թ., 13:00

Ռուսաստանի դեմ ԵՄ պատժամիջոցների նոր՝ 19-րդ փաթեթը կարող է ներառել Շենգեն գոտում ռուս դիվանագետների ազատ տեղաշարժի արգելք։ Այս մասին հայտարարել է Չեխիայի ԱԳՆ ղեկավար Յան Լիպավսկին։

«Ես շարունակելու եմ պնդել, որ Շենգեն գոտում ռուս դիվանագետների ազատ տեղաշարժը դադարեցվի», - ասել է նա եվրոպական Politico հրատարակությանը տված հարցազրույցում։ «Սա ավելորդ առավելություն է»,- հավելել է նախարարը։

ԵՄ որոշ դիվանագետների խոսքով՝ հակառուսական պատժամիջոցների նոր փաթեթը, ամենայն հավանականությամբ, չի ներառի ռուսական էներգետիկ ռեսուրսների գնման հետ կապված սահմանափակումներ։ Նոր պատժամիջոցները կանդրադառնան այսպես կոչված «ստվերային նավատորմի» և այն ընկերությունների վրա, որոնք, ըստ Արևմուտքի, օգնում են Ռուսաստանին շրջանցել տնտեսական սահմանափակումները։