Չորեքշաբթի, 28 հունվարի, 2026 թ.
|
Ստեփանակերտում`   +4 °C

Իսրայելը Սիրիայում հայտնաբերել և առգրավել է առաջադեմ թուրքական հետախուզական համակարգ

Իսրայելը Սիրիայում հայտնաբերել և առգրավել է առաջադեմ թուրքական հետախուզական համակարգ
326
Հինգշաբթի, 28 օգոստոսի, 2025 թ., 18:12

Իսրայելը հայտնաբերել և առգրավել է առաջադեմ թուրքական հետախուզական համակարգ, որը, ենթադրաբար, նախատեսված է եղել իսրայելական բանակին լրտեսելու համար, հաղորդում է «Ալ-Հադաթ» հեռուստաալիքը՝ հղում անելով իսրայելական անվտանգության աղբյուրին։

Հիշեցնենք, որ օգոստոսի 27-ի ուշ երեկոյան չորս իսրայելական ուղղաթիռներով Դամասկոսից հարավ գտնվող Ալ-Կիսվա շրջանում (13 կմ) գտնվող ռազմական բազայի տարածքում վայրէջք են կատարել Իսրայելի պաշտպանության բանակի հատուկ նշանակության ջոկատայիններ։ Հեռուստաալիքի տվյալներով՝ գործողության ընթացքում իսրայելական զինվորականները հայտնաբերել են գաղտնի սարքավորումներ։

Հեռուստաալիքի աղբյուրը նշել է, որ իսրայելական կողմը ապամոնտաժել է տարածքում վերջերս տեղադրված թուրքական սարքերը։ «Մենք զգուշացրել ենք Սիրիայի նախագահ Ահմեդ ալ-Շարաայի վարչակազմին՝ չխաղալ կրակի հետ»,- ընդգծել է աղբյուրը։