Ակցիա՝ Ծիծեռնակաբերդի հուշահամալիրում․ ՈՒՂԻՂ ՄԻԱՑՈՒՄ

ՀՑԹԻ նախկին տնօրեն, պատմաբան Հայկ Դեմոյանի նախաձեռնությամբ ակցիա է ընթանում Ծիծեռնակաբերդի հուշահամալիրի տարածքում։

Հայկ Դեմոյանը հայտնել էր․ «Ակցիայի նպատակն է տեղում ծանոթանալ ու գնահատական տալ վերականգման անվան տակ հուշահամալիրին հասցված վնասի չափերին ու հետևանքներին։ Դադարեցնել անորակ ու ոչ պատշաճ մակարդակով իրականացվող աշխատանքները՝ մինչ մասնագիտական հանձնախմբի կողմից նոր որոշում կկայացվի հետագա աշխատանքների իրականացման ու դրանց ծավալների շուրջ։ Պահանջել, որ սեղմ ժամկետներում ԿԳՄՍ նախարարությունը վերականգնի հուշահամալիրին հասցված վնասը և ձևախեղված մույթերը բերել նախնական տեսքի։ Լսել ԿԳՄՍ նախարարության ներկայացուցչի, Հայոց ցեղասպանության թանգարան-ինստիտուտի տնօրենի և նախագծող ընկերության ներկայացուցչի պարզաբանումները անպատասխանատու և վերահսկողությունից դուրս իրականացված աշխատանքների կապակցությամբ, որը բացասաբար է ընդունվել հանրության կողմից՝ Հայոց ցեղասպանության զոհերի հուշահամալիրի շուրջ ստեղծված խայտառակ իրավիճակի առնչությամբ տարբեր քաղաքացիների կողմից հրապարակված անհերքելի ապացույցների արդյունքում։ Տեղում ստեղծել մշտադիտարկման հանձնախումբ՝ Հայոց ցեղասպանության հուշահամալիրի տարածքում և Հայոց ցեղասպանության թանգարան-ինստիտուտում իրականացվող աշխատանքների նկատմամբ հանրային վերահսկողություն հաստատելու համար»: