«Ձեր հարմարության համար երեխաներին մի տանջեք»․ Գեղամ Նազարյան

ԱԺ պատգամավոր Գեղամ Նազարյանի ֆեյսբուքյան գրառումը․ «Ես խնդրում եմ, որ դպրոցականների ծնողները, ուսուցիչները, տնօրենները, համապատասխան նախարարության ղեկավարները հաշվի առնեն այն փաստը, որ տասնամյակների ընթացքում ժամացույցի սլաքները առաջ ու ետ տանելու հետևանքով, Հայաստանում մեկ և կես ժամ շեղվել ենք մեր նորմալ ժամային գոտուց։ Այլ կերպ ասած, առավոտյան 08։15-ը իրական ժամանակով 06։45-ն է։
Մի՞թե մենք ուզում են վերջնականապես խախտել մեր երեխաների նյարդային համակարգը, քայքայել առողջությունը։ Մեր ներսում կան կենսաբանական ժամացույցներ, որոնք թքած ունեն գործող ժամանակի վրա։ Առավոտյան 8,15-ին երեխաները, հատկապես դեռահասները պետք է քնած լինեն։ Ձեր հարմարության համար երեխաներին մի տանջեք»։