«Թուրքիան դադարեցրել է Իսրայելի հետ առևտուրը, փակել օդային տարածքը». Ֆիդան

Թուրքիայի իշխանություններն արգելել են թուրքական նավերի մուտքը Իսրայելի նավահանգիստներ և փակել երկրի օդային տարածքը իսրայելական ինքնաթիռների համար։ Այս մասին հայտարարել է Թուրքիայի արտաքին գործերի նախարար Հաքան Ֆիդանը՝ խորհրդարանում իր ելույթի ժամանակ։ Պատգամավորները հավաքվել էին արտահերթ նիստի՝ Գազայի հատվածում ստեղծված իրավիճակի պատճառով։

«Թուրքիան դադարեցրել է Իսրայելի հետ առևտուրը, թույլ չի տալիս թուրքական նավերին մուտք գործել Իսրայելի նավահանգիստներ և փակել է իր օդային տարածքն իսրայելական ինքնաթիռների համար», - նախարարի խոսքերն է մեջբերում «Anadolu» գործակալությունը։