«ՀՀ վարչական դատարանի որևէ դատավոր բերման չի ենթարկվել և ձերբակալված չէ»․ Ծովինար Խաչատրյան

ԲԴԽ մամուլի խոսնակ Ծովինար Խաչատրյանը ֆեյբուքյան էջում գրել է․ «Լրատվամիջոցների հարգելի՛ գործընկերներ,
Տեղեկացնում եմ, որ ՀՀ վարչական դատարանի որևէ դատավոր բերման չի ենթարկվել և ձերբակալված չէ»։

Ավելի վաղ հայտնել էինք, որ «Փաստինֆո»-ի տեղեկություններով՝ Վարչական դատարանի նախկին նախագահ Արգիշտի Ղազարյանը բերման է ենթարկվել։ Հակակոռուպցիոն կոմիտեի քննիչները վարչական դատարանում խուզարկություններ են իրականացրել Ղազարյանի աշխատասենյակում․ քննիչները երեք դատավորի աշխատասենյակներում և բնակարաններում են խուզարկություններ իրականացրել։